குல தெய்வ வழிபாடு - 2016

7-2-16 - மாசி மாதம் மஹா சிவராத்திரி அன்று குலதெய்வத்தின் கோவிலுக்குப் போயிருந்தோம்.( வையை கரையடியான் கோவில்.)

முதல் நாளே மதுரை சரவணா ஸ்டோர்ஸில் அபிஷேகப் பொருட்கள், பூஜைப் பொருட்கள் வாங்கியாயிற்று.

காலை 5 மணிக்கு டாக்ஸி வந்து விட்டது.

போகும் வழியில் இராமநாதபுரத்தில் ஹோட்டலில் டிஃபன்.

இராமநாதபுரத்திலேயே (அபிஷேகத்துக்கு) பால் வாங்கிகிட்டோம்.

8.15 மணிக்கெல்லாம் கோயிலுக்குப் போயாச்சு.

கூட்டமான கூட்டம். நிறைய பேரை தெரியவில்லை எனக்கு.

அபிஷேகப் பொருட்களை எடுத்துக் கொடுத்து விட்டு, 3 தட்டுக்களில் தனித் தனியாக, தேங்காய், பழம், வெற்றிலை, பாக்கு, பூ எடுத்து வச்சோம்.

அபிஷேகம் 9.15 மணிக்கு ஆரம்பம். முடிந்தவரை தரிசித்தோம். (கூட்டம்)

12 மணி ஆகிடுச்சு.

கரையடியான் சன்னிதியில் பிள்ளையார், கரையடியான், பூரணம், பொற்கொடி அம்மன் நால்வருக்கும் தேங்காய் உடைத்து, பூஜை.

ராக்கம்மாள் சன்னிதியில், கருப்பண்ண சாமி, ராக்கம்மாள் இரண்டு பேருக்கும் 2 தேங்காய்கள், பிரகாரத்தில் இருக்கும் கருப்பண்ண சாமிக்கு 1 தேங்காய்.

பன்னிரண்டு நெய் விளக்குகள் ஏற்றி, கரையடியான் சன்னிதியில் வழிபட்டோம்.

ராக்கம்மாள் சன்னிதியிலும் 2 விளக்குகள் ஏற்றினோம்.

மன நிறைவு!!!

கோவிலுக்கு வருட சந்தாவும் நன்கொடையும் கொடுத்து, ரசீது பெற்றுக் கொண்டோம்.

உண்டியலில் காணிக்கை சேர்த்தோம்.

உறவினர்களை சந்தித்தோம். பேசினோம்.

1.30 மணிக்கெல்லாம் கிளம்பினோம்.

முருகன் கோவிலுக்கும் போனோம். ஊருணிக் கரை பிள்ளையார் இங்கே இருக்கிறார் இப்ப.

பிள்ளையார், முருகனுக்கு நெய் தீபம் ஏற்றி, முருகனுக்கு தேங்காய், பழம், அர்ச்சனை. தீபாராதனை தரிசித்தோம். கர்ப்பக்கிருஹ விளக்கில் நெய் சேர்த்தோம்.

பிள்ளையாருக்கு விடலைத் தேங்காய்.

காளியம்மன் கோவிலில் விடலைத் தேங்காய்.

டாக்ஸிக்கு 2200 ரூபாய் ஆயிற்று.

சாயங்காலம் மதுரை வந்தாயிற்று.